Tiranë – Shqipëri

E Ngarkuara me Punë A.I. e Ambasadës së Shtetit të Katarit në Republikën e Shqipërisë, Znj. Wesam Khalil Al-Mulla Al-Jefairi, mori pjesë në konferencën “Përballja me Manipulimin e Informacionit dhe Ndërhyrjen e Huaj: Shqipëria dhe Konteksti i Zgjerimit”, e cila u zhvillua në Tiranë.

Me besim të plotë në vullnetin dhe caktimin e Zotit, njoftojmë me hidhërim të thellë ndarjen nga jeta të Udhëheqësit të Madh të Kombit, të ndjerit me lejen e Zotit, HH Emirit Baba, Sheikh Hamad bin Khalifa Al Thani. I lutemi Zotit të Plotfuqishëm ta mbulojë me mëshirën e Tij të pakufishme, ta pranojë në Xhenetin e Tij dhe ta shpërblejë me të mirat më të mëdha për gjithçka që i dha atdheut. Të Zotit jemi dhe tek Ai do të kthehemi.

Ambasada e Shtetit të Katarit në Republikën e Shqipërisë mori pjesë në ceremoninë e nënshkrimit të marrëveshjes për zbatimin e projektit “Kompleksi Social Nasser bin Abdulrahman Darwish Fakhroo”, ndërmjet Bashkisë së Librazhdit dhe zyrës së Qatar Charity në Shqipëri. Në ceremoni morën pjesë Zëvendëskryeministrja e Republikës së Shqipërisë, Sh.T.Znj. Albana Koçiu, Kryetari i Bashkisë së Librazhdit, Z. Mariglen Disha, këshilltari i Drejtorit Ekzekutiv të Qatar Charity, z. Ahmed Yousef Fakhroo, si dhe drejtori i zyrës së Qatar Charity në Shqipëri, z. Karam Ali.

Ambasada e Shtetit të Katarit në Republikën e Shqipërisë mori pjesë në konferencën ndërkombëtare të organizuar nga Ambasada e Mbretërisë së Spanjës në Shqipëri, në bashkëpunim me Institutin Shqiptar për Studime Ndërkombëtare (AIIS), me rastin e 40-vjetorit të rivendosjes së marrëdhënieve diplomatike ndërmjet Shqipërisë dhe Spanjës.

Sh.T.Z Jabor bin Ali Al-Dosari, Ambasador i Shtetit të Katarit në Republikën e Shqipërisë, shtroi një darkë në nder të Z. Abdulaziz Mohammed Al-Sahli, Sekretar i Dytë në Ambasadë, me rastin e përfundimit të mandatit të tij, duke i uruar suksese në detyrat e reja.